RSS

Glo jy…

01 Mar

Ek glo in God, waarskynlik jy ook. Om die waarheid te se, in die grootste gedeelte van Suid Afrika en ook hier in die Loskop Vallei sal die meeste mense ook belei dat hulle in God glo.

‘n Klompie jare gelede het hierdie geloof in God storie my baie begin pla. As jong man, vars uit die skool, was my grootste begeerte om vir God te werk. Ek wou met als in my ‘n sendeling word, en het ook. In my tyd as sendeling onder die Himba, Herero en Damara mense in Namibie, het ek geweldige belewenisse en avonture gehad saam met die Here. Hier waar dit moeilik was om mense te oortuig en te getuig van my geloof in God, was waar die grootste wonderwerke gebeur het. Hier waar mense die swaarste gekry het, is ook waar die grootste fonteine van lewe opgespring het na ‘n aanraking van ‘n liefdevolle Skepper.

Elke 4 maande moes ek terug groot stad toe om te gaan terugvoer gee oor stand van sake in die veld. In die begin was ek baie opgewonde oor hierdie geleenthede, maar dit het gou verander. Om die waarheid te se, ek was na elke besoek aan my stuur gemeente baie verward. Dit was vir my baie moeilik om te aanvaar hoe kinders van God, wat elkeen waarskynlik drie Bybels iewers in die huis het, en waar daar weeklikse byeenkomste saam met ander gelowiges was, so dood kon wees binne. In my gedagtes was baie vrae. Hoe is dit moontlik dat die wat glo in die Bron van Lewe, so dood is binne? Hoe is dit moontlik dat die wat glo in die God van Liefde, met soveeel selfverwyt, jaloesie en kwaad in hul hart rond loop? Hoe is dit moontlik dat die wat glo in die God van wonders, nooit enige van hierdie wonders beleef nie?

Soos ek ouer geword het in vlees en gees, het ek begin verstaan. Ek verstaan dat ons groot word in ‘n kultuur waar ons leer om in God te glo. Daar word vir ons ‘n veilige omgewing geskep waar ons dan ook hierdie geloof maklik kan beoefen. Die gevaar is wanneer ons geloof net nog ‘n item word in ons week. Ons begin as te ware ons geloofs lewe beplan en beheer soos wat ons ander aktiwiteite beplan en beheer. Dit veroorsaak ‘n skyn geloof waar ons met die mond bely, maar ons harte is ver van God af.

Vriende, GOD GLO IN JOU. Jy hoef nie ‘n sendelig te word om avonture en belewenisse saam met Hom te he nie. God het jou so lief dat Hy ‘n ruil transaksie aangegaan het vir jou lewe. 2 Kor 5:21 se, Dat Hy sy Seun wat geen sonde geken het nie, sonde vir ons gemaak het, sodat ons kan word wat Hy is, die geregtigheid van God. Hy glo soveel in jou, dat Hy jou gekies het om mede arbeider te wees en dan sodoende ook die boodskap van versoening aan jou toevertrou het. (2 Kor 5:18) Jy, my vriend, is ‘n maaksel van die Almagtige Skepper. Die Een wat jou in Sy beeld geskep het (Gen 1), wat jou uitverkies het voor die grondlegging van hierdie wereld (Efes 1) om saam met Hom te heers uit hemlse plekke. Nie eendag nie, NOU.

Jy sien, die probleem met die meeste mense in my gemeente was nooit hul geloof in God nie, dit was die feit dat hul nie geglo het dat God in hulle glo nie. Vandag nog is daar baie van ons wat dink ons lewens is te stukkend dat God in ons kan glo. Sommige van ons is in die gewoonte om Hom in ons program in te skryf, maar Hy sit eintlik en wag dat jy Hom vra om jou program te beplan.

Vandag is ek ‘n entrepreneur van ‘n lokale besigheid, en die Lewende God bly my fontein van lewe. Ek kan lief he, omdat ek weet Hy het my eerste lief gehad. Ek verwag wonders in elke dag, omdat Hy deur sy Gees, my wil verras en verbaas om elke hoek en draai. Hy jaag jou na, jy is kosbaar vir Hom. Hy het jou lief met Sy lewe.

GLO JY, DAT GOD GLO IN JOU?

 

 

Advertisements
 
Leave a comment

Posted by on March 1, 2015 in Uncategorized

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: