RSS

Prentjies van die Hart

19 Aug

Fotografie, nou daar is nou vir jou ‘n topic waaroor ons almal kan gesels. Almal van ons wat hier lees het al so paar duisend fotos in ons lewens gesien. Baie van ons het ook al so paar duisend geneem.

Ek dink nou sommer aan my fotograaf pelle, regte egte fotograwe. Manne en vroue met ‘equipment’. Mense wat vir kursusse gegaan het en wat ‘n lewe uit die kiekies uit maak. Hierdie ouens en meisies inspireer ons almal op een of ander wyse. Ek dink aan Morkel Erasmus se natuur en wilde diere foto’s. Susan Retief se pragtige troues en kinder gesigte. Kim Janse Van Rensburg met die pragtigste couple shoots, en o ja, haar katjies en kuikens by die huis. Lizelle Coetzer met haar laaste effens abstrakte album, “Die wereld deur my oë”. En ook Lood Goosen se pragtige modelle en ewe pragtige bikes.

Hierdie fotograwe is almal mense saam met wie ek iewers ‘n draai deur die lewe gestap het. Sulke suiwer mense. Mense wat ‘n passie vir die mooi het en dit ook so vir ons weergee. Hierdie is die ouens en meisies wat die verantwoordelikheid verdien het om hul kuns met ons te deel. Hulle maak dat ek nie kan wag om hul volgende album op facebook te sien nie. Hulle inspireer my om verder te dink as net aan die dag se gejaag. Hulle help my om te ontsnap na hul eie wereld. Baie dae sit ek met frustrasie wat voel soos ‘n meulsteen om my nek, en dan kom ontvoer Morkel my gou Kgalagadi Park toe en Kim laat my weer verlang na langbeen sit op Potloodspruit.

Dan dink ek ook aan elkeen van ons wat ons prentjies op facebook deel. Meeste van ons se ‘equipment’ strek so ver soos ‘n Blackberry Curve (wat waarskynlik swakker foto’s neem as my ouma se Nokia), maar dis goed genoeg. Dis goed genoeg, want dit vertel ‘n storie, jou storie. Ek besef al meer dat die dinge wat ons in ons hart value, ook die dinge is wat ons op facebook, twitter en allerhande ander plekke post. Voor al hierdie tegnologie moontlik was het my ouma een keer ‘n jaar ‘n skool foto van my in die pos gekry, en dan het sy geweet dit gaan goed met my, want my grys skool hemp is nie gekreukel nie, my hare is skoon en soms was daar ‘n klaskaptein balkie op my linker lapel. Vandag is dit moontlik dat sy my elke dag kan  sien, en nie net my oulike sproete en blink hare nie. Nee, vandag gee ek vir ouma en die hele wereld ‘n kans om my hart raak te sien.

Jy sien, wanneer ek kyk na facebook, sien ek jou hart. Ek sien jou begeertes en jou lawwigheid. Ek sien jou verslawing en jou omgee. Ek sien wat jy lief en wat jy haat. Soms wens ek ek was in jou wêreld, soms bid ek jy was liewer in myne. Net soos Lood, Susan en die ander met ‘equipment’ die gawe het om ‘n ware weergawe van die oomblik deur te gee, net so gee die fotos van jou hart vir ons die ware weergawe van jou.

Sit bietjie terug nadat jy hier gelees het. Sit terug vir ‘n oomblik maak jou oë toe en dink aan die prentjies van jou hart….. Wat value jy? Wat begeer jy? Sit net so bietjie terug….. en dink

Advertisements
 
1 Comment

Posted by on August 19, 2012 in My pad se kronkels

 

Tags: , ,

One response to “Prentjies van die Hart

  1. Morkel Erasmus

    August 20, 2012 at 09:29

    Dankie vir die mooi post Jaco. Mekaar te lanklaas gesien! Vir my gaan my passie vir die natuur hand-aan-hand met my passie vir God wat dit gemaak het. All creation reveals the glory of God, nature more so than the technological advances of man’s intellect.

    Groete by die huis!

     

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: